Nas imaxes do resumo dos últimos días en Florencia vedes que a inmersión cultural levounos a preparar un menú italiano completo con antipasti, primi piatti e dessert. O chef, Fabrizio, ensinounos todo o proceso de elaboración da pasta, neste caso ravioli, tamén fixemos un entrante de 'pomodori', queixo e outras verduras e tiramisú. Puidemos comprobar como as aulas nos axudaron a entender moito mellor o italiano e a poder comunicarnos con construccións sinxelas. Pola tarde aproveitamos para visitar o museo dos Uffici e ver ao vivo obras que temos explicado en clase tantas veces: A primavera e o nacemento de Venus de Botticelli, e de outros autores como Giotto, Tiziano, Rafael, Da Vinci, Caravaggio... E o cadro de Artemisia Gentileschi que caeu este ano nas ABAU en historia da arte!

Florencia

Venres foi o noso último dia de curso de italiano. Na última clase déronnos a certificación co nivel do aprendido estes días e tivemos unha última clase práctica no mercado central de Florencia onde por grupos fomos identificando o nome dos alimentos de uso frecuente. Tamén coñecimos algúns dos pratos típicos desta zona como o lampredotto (bocadillo de tripas/estómago de vaca e salsa) . Pola tarde tivemos umha visita guiada a Santa Croce onde están as tumbas de famosos florentinos ( Dante, Galileo, Michelangelo, Marconi...) Despois fomos a galería Bargello, que alberga obras escultóricas, como o coñecido David de Donatello o ou outras obras de Verrocchio, Michelangelo ou Giambologna... Tras uns últimos paseos pola cidade puidemos ver que ademáis de turística é unha cidade viva que acolle reivindicacións sociais como unha numerosa manifestación polo día do orgullo LGTBIQ que recupera símbolos artísticos para repensalos e repensarnos desde o presente. Despedimos Italia coa sensación de ter aproveitado o tempo ao máximo (de feito xa nos atrevemos con librerías e bibliotecas e obras en italiano!)

Florencia

Seguimos aprendendo italiano nas clases da maña con Maurizio, o noso profesor, e coas seis compañeiras de Hungria, Norteamérica e Murcia. Nelas combinamos o coñecimento lingüístico (no que como vedes na foto Xián destaca :) co cultural. Polas tardes temos diferentes visitas guiadas coa nosa guia, Antonella ou por libre nas que descubrimos a cidade de Florencia e lugares emblemáticos da historia da arte como a igrexa de santa Maria de Fiori, a Santa Croce, a basílica de San Lorenzo ou a capela dos Médici... Lugares onde puidemos ver ao vivo as obras de Masaccio Michelangelo, Donatello ou Brunelleschi.... Achegarnos a historia da cidade é coñecer tamén a vida de persoas ligadas a Florencia como os Médicis, Galileo ou Dante Alighieri ... E curiosidades como a existencia dunha antiga unidade de medida 'brazo florentino' ou as pequenas portiñas do tamaño dunha botella que hai nalgunhas casas por onde vendian viño.

Erasmus + Florencia

Xián, Maca, e Chus siamo arrivati in italia e abbiamo iniziato il nostro corso di italiano! Aproveitando os contactos feitos este curso con institutos italianos para futuras mobilidades co alumnado, a última viaxe Erasmus deste curso é unha formación lingüística de italiano para profesorado en Florencia. O noso avión chegou a Bologna o sábado e puidemos visitar esta cidade, apodada 'La dotta, la rossa, la grassa' A sua universidade é das primeiras do mundo (S.XI) e a antiga sede da mesma é hoxe a impresionante Biblioteca communale. O domingo deunos tempo para visitar Pisa e logo chegamos a Florencia para descansar antes do curso de italiano que comezou este luns 3. Despois de duas mañas de clase xa temos nocións de pronunciación e de gramática elemental e algo de léxico de uso frecuente. Seguimos aprendendo... Lavoro in corso

Erasmus + Florencia

No claustro de finais de curso, as profesoras e profesores da equipa Erasmus+ expuxeron as sinerxias aprendidas durante as súas mobilidades en países europeos, no marco do proxecto KA121 ‘Camiños de Europa’, nomeadamente en Atenas (Grecia), Táranto, Sicilia e Posta Fibreno (Italia), Reading (Reino Unido), Opava (República Checa) e Núremberg (Alemaña). Alén diso, estes días tamén confirmaron desde a Comisión Europea que nos concederon a Carta ECHE (Erasmus Charter for Higher Education) e isto é unha excelente noticia para o centro porque significa que a partir de agora os ciclos superiores de FP xa entran a formar parte do noso Plan Erasmus!

Erasmus +