Seguimos co noso segundo día de aprendizaxe por observación (job shadowing) en Dinan, vila medieval preciosa da Bretaña francesa duns 14.000 habitantes. Hoxe, comezamos ás 7h45 coas clases de Inglés, Matemáticas, Xeografía e Historia e novamente Inglés para alumnos con dificultades de aprendizaxe. Pola mañá, o alumnado ten catro horas de clase, rematan as 12h00 para comer e retoman as clases ás 13h25 ata as 16h30. Encantounos coñecer as diferentes maneiras de ensinar de cada profesor así como as metodoloxías empregadas e puidemos reparar como avalían por competencias e prestan axuda a aqueles alumnos que o precisan. Hoxe puidemos compartir o comedor co director do colexio, a coordinadora Erasmus Nadia e o profe de inglés James. Pola tard, fixemos unha percorrido moi interesante por Dinan e arredores.
Ningún comentario:
Publicar un comentario