O luns 8 botou a andar oficialmente o programa de acollida de alumnado de dúas escolas, unha do Liceo Galileo Ferraris de Taranto (Italia) e a outra do Slezské Gymnázium de Opava (Chequia), no marco do noso proxecto Erasmus+ ‘Camiños de Europa’. A experiencia comezou xa en días previos, concretamente o sábado 6, cando o noso alumnado de 4ESO e 1BAC e as súas familias recibiron no aeroporto as súas respectivas delegacións. Nas primeiras horas do luns 9, démoslles a benvida cunha gran sorpresa con música tradicional de Galiza. Despois fixemos un tour polo noso instituto e fixemos dinámicas de presentación nalgunhas clases. A continuación, o alumnado estranxeiro aprendeu algún dato de interese sobre Galiza e España a través dun Kahoot, e posteriormente desfrutamos dun almorzo de benvida, onde as familias achegaron deliciosos doces caseiros para degustación de todos e todas. Posteriormente, fomos recibidos no Concello polo alcalde e finalmente paseamos pola feira de Arzúa onde puidemos ver produtos típicos como o queixo, o polbo ou os churros. Pola tarde, visitamos a cidade da Coruña onde accedimos á Torre de Hércules e demos un paseo polo centro. Como vedes, un comezo intenso para unha semana chea de actividades Erasmus!
xoves, 18 de abril de 2024
Subscribirse a:
Publicar comentarios (Atom)
Erasmus 24 (4)
No cuarto día da Nosa mobilidade Erasmus+, o alumnado da delegación de Taranto asistiu á clase de economía mentres que os de Opava estiveron...
-
Fin da nosa estadía en Dinan. O venres foi o noso último día no colexio Roger-Vercel. Consideramos que foi unha experiencia profesional e cu...
-
Nas imaxes do resumo dos últimos días en Florencia vedes que a inmersión cultural levounos a preparar un menú italiano completo con antipast...
-
Empeza o curso académico e o Equipo Erasmus do noso IES comeza coas reunións de traballo co fin de organizar as actividades e mobilidades pa...
Ningún comentario:
Publicar un comentario