Daniel, o noso alumno de FP básica de Servizos Administrativos acaba de regresar de Reading. Gracias ao programa Erasmus + estivo case tres meses realizando a FCT no Reino Unido e neste período puido mellorar o idioma, coñecer como se traballa nunha empresa inglesa e integrarse na cultura doutro país. A súa experiencia en Aces Organisation foi moi gratificante, os primeiros días tivo unha gran acollida e ao longo das semanas puxo en práctica os coñecementos adquiridos no ciclo e puido desenvolver todas as tarefas que lle solicitaron de maneira áxil e eficiente.
mércores, 21 de xuño de 2023
mércores, 14 de xuño de 2023
Visita de Pedro Morais
Nestes últimos días de maio desenvolvemos unha nova actividade formativa do noso proxecto Erasmus+ 'Camiños de Europa’. Tratábase dunha mobilidade individual onde contamos co experto convidado Pedro Morais, profesor da Universidade de Coimbra e director da Associação Portuguesa de Ecoturismo. A formación estaba destinada a alumnado de diferentes niveis educativos e tiña diferentes liñas temáticas, todas relacionadas coa ecoloxía e o patrimonio natural. No marco dos obxectivos Erasmus de melloría lingüística, cultural e medioambiental, a formación foi realizada en lingua portuguesa. Constatamos que o alumnado non só comprendía, senón que en xeral participaba activamente. Polas tardes, várias persoas do noso equipo Erasmus convidaron o noso experto a varias saídas polos arredores de Arzúa onde tivemos a ocasión de coñecelo en profundidade e de mostrarlle espazos emblemáticos do noso concello, como Ribadiso, Boente, o Enredo do Abelleiro e a fervenza das Hortas. Foi unha experiencia moi enriquecedora tanto para alumnado como profesorado e esperamos poder seguir ofrecendo actividades semellantes no futuro.
venres, 26 de maio de 2023
Erasmus + Italia 24 de maio de 2023
A visita ao Parque Nacional dos Abruzos supón o comezo dunha relación de colaboración entre a Reserva Natural do Lago Posta Fibreno e o Parque Nacional aportando os primeiros experiencia na xestión de humedais. Compartimos visita cun grupo de estudantes e a profesora Eva Garcia do CIFP Monte Aragón de Huesca, tamén de Erasmus en Italia. Despois fomos ao Museo dedicado ao Lobo dos Apeninos.
Pola tarde Francesco Tomaselli de http://www.fibrenofficinali.it/
mostrounos a súa explotación de plantas medicinais, así como o proceso productivo, os seus usos e aplicacións.
Erasmus+ Italia 23 de maio de 2023
Día 2 na Reserva Naturale Regionale Lago di Posta Fibreno!
Hoxe as profesoras que participan no" job shadowing" (Erasmus +) na Region de Lazio, comezaron o día visitando o IIS Medaglia d´Oro Cassino. Neste instituto impártese formación profesional de marketing, agraria e administración e finanzas. Despois de mostrarlles as instalacións intercambiaron información co profesorado e alumnado do 5º curso do nivel técnico de agraria sobre o traballo que se desenvolve en ambos institutos e as posibilidades de colaboración para futuros proxectos.
A continuación, no laboratorio, o alumnado explicou o seu proxecto de produción de mel" no nome das abellas" así como o proceso de envasado e etiquetado para a venda final. Fixeron unha demostración de elaboración de limoncelo e obsequiáronnos cunhas riquísimas marmeladas elaboradas por eles mesmos. Finalmente, profesorado e alumnado mostráronlle as instalacións de produción de planta, o invernadoiro, a vide onde cultivan diferentes variedades de uva autóctonas da rexión de Lazio, cultivos hidropónicos e plantas aromáticas (incluíndo unha variedade propia de albahaca, o basilico napolitano).
Moitas posibilidades de colaboración no futuro! Grazie mille!
Erasmus+ Italia 22 de maio de 2023
Excelente acollida do Direttore da Riserva Naturale Regionale Lago di Posta Fibreno, Antonio Lecce ás profesoras de Erasmus + en Italia do IES de Arzúa: Susana Novo, Silvia Mira e Montserrat Pita. Gozaron dun paseo polo lago acompañadas polos estudantes de aproveitamento e conservación do medio natural, Damián Ramos e Xián Barreiro, que están facendo as súas prácticas de ciclo a través do programa Erasmus+.
Tiveron a oportunidade de observar especies características da reserva como cola de cabalo, mergullón cristado, galiñola negra, pita de auga, oliveira... e outras propias de humedais. Tamén viron trampas para estudar e reducir a poboación de porco bravo. Hoxe non houbo sorte pero procurarán atopar osos no Parque Nacional dos Abruzos, no corazón dos Apeninos Centrais. Mañá serán recibidas no centro educativo IIS Medaglia d´Oro Cassino e na Azienda Agrícola Cervelli.
Subscribirse a:
Publicacións (Atom)